Понуди за патување и одмор во Македонија 2026

Сместен на брегот на Охридското Езеро, хотелот Тино Свети Стефан нуди бесплатен wi-fi, бесплатна климатизација, 24 часновна рецепција, велнес центар и ресторан, бесплатен паркинг за гостите (со претходна резервација), конференциска сала. Хотелот располага и со внатрешен базен, надворешен базен и излез на брегот на Охридското Езеро. Вкусен појадок се служи секое утро во хотелот, а за вечера може да се ужива во ресторанот во куќата. Исто така, достапна е и услуга во собата. Велнес областа на хотелот се состои од затворен и отворен базен, сауна, амам и фитнес центар. Масажата се доплаќа и истата е на барање. Во самиот хотел има и посебна просторија за оставање на багажот. Античкиот театар на Охрид се наога на 4км од хотелот, а аеродромот се наоѓа на 12км.

Со надморска височина од 1100 метри, ресортот е сместен во источниот планински дел на Македонија, близу до градот Берово, веднаш над Беровското езеро и прекрасниот кањон на Малешевските планини. Точно овој регион, често именуван како мала Швајцарија, се наоѓа еден од четирите воздушни коридори во светот, збогатен со огромно количество на кислород, претворајќи го ресортот во беспрекорно чиста воздушна бања. Изграден од природни елементи, со употреба на вулкански камен и дрво, оплеменет со различни видови на растенија и дрва кои го претвораат ресортот во прекрасна ботаничка градина, збогатен со секојдневниот пој на птиците, припитомени во куќарките соецијално изработени за нив и потставени по боровите кои го опкружуваат комплексот, ресортот е вистинска хармонична бајка. Со своите содржини како: world-class СПА центар, Ресторан што претставува уметничко ремек дело, пет ѕвездено сместување, прекрасни базени, беспрекорна услуга од светска класа и богати и интересни планински содржини, го прават овој луксузен сепак интимен комплекс Вашето совршено бегство од секојдневието…

Хотелот располага со 20 соби и апартмани: 12 двокреветни, 2 трокреветни и 6 апартмани. Сите се со панорамски поглед кон Крушево… Освен еден Јуниор апартман, кој е со поглед кон буковата корија. Вкупниот капацитет на хотелот е 52 гости. За бебиња 0-2 години, во собата на Ваше барање, се поставува детско креветче. Во зимската сезона, користењето на жичарницата и ски лифтовите се бесплатни за гостите на хотелот. Хотелот располага со ресторан, внатрешен базен, спа центар, бесплатен интернет на цела територија на хотелот и ски соба за вашата опрема за скијање. Големите стаклени површини на ресторанот Алто ви откриваат неверојатен поглед кон Крушево, кон боровата шума и кон облаците. Традиционалните јадења Ви ја топлат душата, а интернационалното мени ве шета низ светот. Сите јадења се приготвени по највисоките гурмански стандарди, со голем мајсторлук од нашите врвни готвачи. За вистинска релаксација ве очекува спа центарот со внатрешениот базен кој има фантастична панорамска глетка кон Крушево и стаклен покрив кој ви овозможува постојано да го гледате и небото. Опремен е со хидраулични лежалки, џакузи, топли лежалки и финска сауна. За целосно опуштање, можете да изберете од различните видови масажи: релакс масажа, спортска, медицинска, масажа на стапала и масажа на лице. А за нега на вашето лице и тело, почестете се со некој од повеќето третмани со врвната козметика БАБОР (третман на лице со алги, salt aroma grow третман на тело, лифт експрес третман на лице, Клеопатра третман на тело или витамински коктел за зацврстување и заштита на кожата).

Во срцето на Горна Река, меѓу високите Кораб, Шара и Бистра, кај многуте расфрлени планински рекички и Радика, меѓу зимзелените дрвја и секвојата што гордо ве пречекува, се наоѓа комплексот „Кораб Трница“. Комплексот е оддалечен 5 (пет) километри од Мавровско Езеро, на патот кон Дебар. Комплексот им нуди на гостите можност за одмор во апартмани, соби и бунгалови со прекрасен поглед кон падините на Кораб, Шара и Бистра За гостите комплексот нуди бесплатно користење на велосипедите и риболовна опрема. Располага и со сопствени коњи и организира тури за јавање за почетници.. Во комплексот има пешачки патеки и игралиште за деца. За авантуристите, во близина на овие објекти постои и посебен простор за кампување и за шатори, кој е опремен со комплетна инфраструктура.Овој комплекс, освен со сместувачките капацитети, располага и со простории за состаноци и за деловни состаноци. Посебен акцент ставаме на ресторанот Кораб Трница во кои гостите можат да ги пробаат највкусните традиционални специјалитети како: надалеку познатиот качамак со кисело млеко, ѓомлезе, реканските пити, трничка тава..

Хотел Тино центар, има одлична централна положба. Плоштадот е одалечен на само 300 метри, шеталиштето е само 30 метри од самиот објект. Хотелот има најдобра локација за централно сместување.. Употребата на Спа центарот е бесплатна и се состои од џакузи, сауна и парна бања. Исто така има бесплатен паркинг и wi-fi.

Хотел Аквалина се наога во туристичката населба Св.Стефан оддалечен 6 км од центарот на Охрид на регионалниот патен правец Охрид- Св.Наум. Комплексот на хотелот се наоѓа на самиот брег на Охридското езеро опкружен со пространство на бистра езерска вода од една страна и бескрајна зелена шума од националниот парк Галичица од друга страна. Ваквата местоположба Ви дава можност да поминете незаборавен одмор во стилот на модерното опкружување. Конференции : Хотел Аквалина располага со повеке сали и простории за одржување на конгреси,симпозиуми,семинари и бизнис средби. Капацитеот на салите е од 30 до 150 седишта,целосно опремени за непречено одржување на вашите настани. Спортски терени: Хотел Аквалина располага со 2 спортски терени комбиниран за мал фудбал,кошарка, ракомет, тенис, одбојка,и еден терен за голем фудбал. Терените ги задоволуваат потребите за одржување на секакви спортски приредби,а особено идеални за припреми на спортски екипи. Плажа: Хотел Аквалина располага со соптвена плажа. Во склоп на плажата работи и бар со капацитет од 100 седишта каде во секое време на денот може да се освежите со алкохолни и безалкохолни пијалоци со звуците на тивка и пријатна музика.Плажата е опремена со лежалки и чадори за сонце. Гостите можат да уживаат во отворен базен со лежалки и бесплатна услуга за пешкири. Бар-услуга е достапна во двата базени со вкусни сендвичи, свежи салати, коктели и ладни пијалоци. Плажата во летниот период е комплетно покриена со професионални спасувачи на вода. Ресторан : Хотел Аквалина располага со сопствен ресторан со околу 220 седишта погоден за фамилијарни веселби ,крштевки,родендени и свадби.Во склоп на хотелот работи и летна тераса која ви овозможува прекрасен поглед кон езерските бистри води.Врвните специјалитети на нашата кујна ке ви овозможат еден пријатен и незаборавен одмор

Лаки Хотел и Спа е микс на Западната и Источната хотелска култура и етика, ја спојува безвремената елеганција, комфор, луксуз, дизајниран простор и незаменлив поглед кон Охридското езеро и планинските пејсажи. Ресторанот во Лаки хотел и Спа е отворен за појадок, ручек и вечера за гости на хотелот, но и за надворешни гости. Во самиот ресторан секогаш ќе наидете на релаксирачка атмосфера, добра услуга и вкусна храна. Барот во Лаки Хотел и Спа има богато мени со освежителни пијалоци за дневно освежување и уште повеќе богато мени за опуштање во вечерните часови. За време на летните денови и топлото време, може да се освежувате во отворениот бар покрај базенот, со незаменлив поглед кон Охридското езеро и најблиските планини. СПА атмосфера: Лаки Спа за своите гости создаде интимен амбиент и тотално опуштена атмосфера. Сите активности и сервиси се сместени на еден спрат, што овозможува целосно исклучување од надворешниот свет и започнување на спа патувањето. Сауна и ароматерапи бања: Посебно задоволство е да уживате во сауната и парната бања. За целосен спа третман ја препорачуваме ароматерапи бањата која Ви ги регенерира сите Ваши сетила.

Хотел Молика се наоѓа на Баба планина во Националниот парк Пелистер. Самата местополoжба на хотелот овозможува поглед на градот Битола и околината. Во склоп на хотел Молика функционира и скијачкиот центар Копанки кој располага со една двоседа жичара – Бегова чешма и еден ски лифт – Копанки. Должината на жичарата и ски лифтот изнесува 1326 метри со капацитет од 1133 скијачи на час. Двете скијачките патеки се со средна тежина и нивната должина изнесува 1341 метар со површина од 53640 м2 Самата местоположба на хотелот на североисточниот дел од Националниот парк, овозможува поглед на Пелагониската котлина, градот Битола и околината, кој ви го одзема здивот. Овој дел од паркот е еден од најинтересните и највозбудливите локалитети специфичен по богатството на ретки видови растителен и животински свет. Хотелот ,,Молика,, претставува капацитет од трета категорија (3 звезди ***) , кој во целост е прилагоден и амбиентално е вклопен со својот надворешен и внатрешен изглед во околината што го опкружува. Спојот на дрво и мермер, олицетворение на замислата на дизaјнерот овозможува со престојот во хотелот, секој посетител да ја почуствува топлината и душата на објектот во сите делови.

Хотелот Unique Resort & Spa e ново отворен хотел. Хотелот е еден од најголемите и најлуксузните хотели на охридското крајбрежје. Користењето на паркинг и надворешен базен е вклучено во цената

Хотелот Су е лоциран на самиот брег од Охридското езеро и нуди спектакуларен поглед на стариот град и познатите историски локалитети, како Самуиловата Тврдина и црквата Св. Јован Канео. Неговата идеална позиција на само 10 минути оддалеченост пеш од центарот, е и одлична стартна позиција за истражување на Охрид. Располага со 4 типови на соби дизајнирани да ви обезбедат најголема удобност и уживање во престојот. Во склоп на хотелот е ресторанот Su Rooftop, бар Liquid Boutique Bar & Kitchen. Хотелот располага со бесплатен паркинг и конференциска сала.

Милениум Палас е хотел со четири ѕвезди кој се наоѓа во југозападниот дел од Македонија, на брегот од прекрасното Охридско Езеро. Со самото тоа што е сместен во Охрид, европскиот Ерусалим, ги комбинира предностите на еден модерен град и на место со богато историско минато и културни вредности. Нуди незаборавен поглед на езерото, стариот град и древната Самоилова тврдина. Од стариот дел на градот Ве дели само кратка, пријатна прошетка покрај езерото. Ќе бидете воодушевени од неверојатниот спој на природните и културно-историски богатства: антички споменици, цркви, музеи, сето тоа надополнето со прекрасен поглед кон езерото, посебно на зајдисонце.